Josua 1:9 ‘My opdrag aan jou is dat jy sterk en dapper moet wees. Moeinie bang of huiwerig wees nie. Die Here jou God is saam met jou oral waar jy gaan’
God voorsien ‘n motor . . .
Na twee en half jaar se gebede en geduld het God ons gebede beantwoord. Die skenkings wat ons ontvang het het ons in staat gestel om ‘n Toyota Sport Rider te kon koop. Ons het die motor herdoop na ‘Frontida Gospel Rider’ Die motor is in ‘n uitstekende toestand en ons glo en vertrou hy gaan ons nog vele kilometres gee vir God se Koninkryk;s werk hier in Sisaket. Dankie vir elkeen se gebede en ondersteuning. Ons waardeer dit opreg.
Frontida Kids . . .
Ons het begin om die “SuperBook” vir die kinders te wys. Die Super Book is ‘n baie oulike animasie storie van ‘n seuntjie en dogtertjie wat teruggeneem word in die tyd van die Bybel. Hulle loop saam al die belangrike figure soos Adam en Eva, Abraham en Izak, Moses ens en dan beleef hulle al die gebeure waarvan ons leer in die Bybel. Na elke hoofstuk keer hulle weer terug na die “werklikheid” toe en deel dan wat hulle gesien en geleer het met hulle ouers. So beleef hulle vir God en Sy werke en julle kan dan raai wat die uiteinde van die storie behels.
Makrud Skool . . .
Makrud skool is ons derde skool wat ons aangeneem het waarin ons uitreik na die kinders toe op ‘n weeklikse basis. Die skool het ons uitgenooi en toe ons daar kom was ons dadelik aangeraak om betrokke te raak. Die skool het net 24 kinders maar daar is iets baie spesiaals aan die skool en die gemeenskap (Village). Die kinders is so honger om te leer en ons glo en vertrou Heilige Gees sal hul hongerte om die Evangelie te hoor ook aanraak en hul harte te vul daarmee. Die skool is reg langs ‘n Buddhistiese tempel so die Geestelike oorlogvoering is nogal intens wanneer ons by die skool is.
Imagine Jeug Beweging . . .
Die datum van die Kanthararom Imagine jeug kamp is 10-12 Desember. Ons beplan om ‘n groterige kamp aan te bied waar ons twee van ons buurt provinsies ook uitnooi. Ons het ‘n begroting vir die drie dae uitgewerk wat R300 per kind sal uitwerk (dit sluit in vervoer, akkommodasie, al die etes, koeldranke, versnapperings en materiaal benodig vir die kamp). Bid asseblief saam met ons dat God die nodige fondse sal voorsien wat benodig word ten einde die kamp moontlik te maak. Dit sal ook die Imagine Kids beweeging van Suid Afrika se eerste Internasionale byeenkoms wees. Kontak ons via epos (frontidaoutreach@gmail.com) indien jy gelei voel om n kind(ers) te borg vir hierdie geleentheid.
Maandelikse Tronk bediening . . .
Met “Jan” en ‘Koos” gaan dit goed hier. Onder moeilike omstandighede gaan hulle goed aan. Marina het ook laas maand begin om uit te reik na twee dames (Me:M en Me:N). Marina voortaan ook maandeliks besoek aflê aan die twee dames en ‘n pad saam met hulle stap soos die Here dit wil hê.
Beskerming van kinders . . .
Ons het laas week ‘n vergadering gehad met verteenwoordigers van vyf plaaslike skole, twee kerke van Sisaket, plaaslike gemeenskapsleiers van Kanthararom om die erns van ‘n “Child Protection Program” aan hulle bekend te stel. Ons werk saam met “Ruamchatai4Ubon” (‘n divisie van Scandinavion Pentacostel Mission) om die program te loods. Die volgende stap is om individue op te lei om die program in die skole, villages en verder te implementeer en te monitor. Bid asseblief saam dat daar genoeg individue sal opstaan om die projek saam met ons aan te pak.
Gebedsversoeke:
Bid asseblief vir die beplanning en befondsing van die Imagine Kids kamp vanaf 10-12 Desember 2016
Bid asseblief vir die plaaslike kerke en leiers vir leiding, insig en wysheid van Heilige Gees van hoe om hulle gemeentes met die waarheid van die Woord van God te bedien.
Onthou ook dat julle ons kan volg op Facebook onder – Frontida Outreach
Julle is ons ondersteuners en ankers in gebed. Dankie dat julle ons in staat stel om met ons bediening, Frontida Outreach, die Evangelie te kan verkondig hier in Kanthararom, Thailand.
Die Here van die oeste sëen elkeen van julle ryklik.
Liefde
André & Marina Olivier
