Daar is ‘n spreekwoord wat sê ‘alle goeie dinge kom tot ‘n
einde’. Wel, Frontida Outreach glo nie
daaraan nie. Ons sê eerder dat alle
goeie dinge kom nooit tot einde nie, sommiges word net weer later hervat.
Ons wil graag vir ieder en elk van julle dankie sê dat julle
ons onlangse tuisbesoek in Suid Afrika so wonderlik gemaak het. Dankie vir al die bederf, die lekker gesels
en vriendskappe wat dieper in gebou is.
Dankie ook vir nuwe vriende waar ons ook na uitsien om met julle ook ‘n
pad te stap. Dankie vir al julle liefde,
gebede, omgee, barmhartigheid en
ondersteuning vir Frontida Outreach en
sy bedieninge. Ons is elkeen van julle
vir ewig dankbaar. Die goeie gaan voort
in ons harte en gedagtes en ons hervat weer die geselsies en kuier op ‘n volgende
tuisbesoek .
Ons is alreeds weer aan die gang hier in Kanthararom ten
spyte van die erge hittegolf wat tans in Thailand ervaar word. Dit is blykbaar die ergste hittegolf in 65
jaar. Maar die Here gee vir ons krag,
insig en wysheid om verby dit te kyk en te werk.
Ons sien vreeslik uit na die uitreik span van Bergsig
Gemeente (Durbanville) wat einde Junie
kom kuier en werk hier. Hulle is ook
amptelik die eerste uitreikspan wat in Ban Frontida, ons bedieningshuis, sal
tuis gaan. Eerskomende Vrydag aand wei ons alreeds Ban
Frontida in saam met ons gemeente met ‘n
“Praise & Worship” geleentheid. Ons
weet Heilige Gees sal die klanke en
Woorde van ons Hemelse Vader die strate van Kanthararom laat deursuis.
Die nuwe skooljaar (2559) hier het Maandag, 16 Mei, amptelik
begin. Ons Frontida Kids het elkeen
sommer sentimeters gegroei in die tydjie wat ons weg was. Die spulletjie raak nou groot en daar was
baie opgewondenheid tussen ons om mekaar weer te sien. Die weersiens viering
het ook sommer gedien om Earn se
verjaarsdag te vier met n lekker saam koeldrank en roomys drink/eet geleentheid. Ons dank
Vader vir die veilig bewaring van elke kind tydens ons afwesigheid.
Donderweer steek bietjie hier op en is dit nou wys om vereers die rekenaar aft e
sit.
Ons gesels weer
later.
Groete
André & Marina Olivier
(Frontida Outreach)
No comments:
Post a Comment